السبت، 23 أغسطس 2008

اهلا رمضان


السلام عليكم
فى البدايه اوعى حد يحدف بالفوانيس عشان مسمعتوش سيادتى وسموى
من زمان
بس والله كنت شغول
لالالالالا مطحون
وكمان اتخنقت من النت بتاع الراجل فشيلت النت من البيت والحمد لله
بس اوعوا تزعلو ان شاء الله مش حتأخر تانى


رمضاااااااااااااااااااااااااااااااااااااااااااااااااااااااااااااااااااااااااااااااااااااان
ياااااااااااااااااااااااااه فينك من زمان يا عم رمضان
قصدى يا شهر رمضان
فعلا اشتقت اليك يا رمضان وحننت اليك فكم من الذنوب
تثاقلت علينا وامتلات صدورنا بها
ولا نقدر ان نخطو بسبب هذه الذنوب
يا شهر فى العام الواحد فيك نصوم وفيك نجاهد
اهلا رمضان
انت هل ذهبت الى السوق اليوم لالالا الاسبوع ده
لالالالا الشهر ده
لالالالالالا السنه ده ؟؟؟؟؟؟؟؟؟؟؟؟؟؟
ايون السوق جاى اهو
يقول الرسول ص {رمضان سوق وانفض ربح فيه من ربح وخسر فيه من خسر }
ايه عايز تشترى من السوق ده ولا حتروح سوق تانى لالالا مفيش سوق تانى انسى يا عمرو انت واحمد
هو سوق واحد فى السنه بس فيه الفرض ب70 فرض والنافله بفرض
ويقول الرسول ايضا { الا ان لربكم فى ايام دهركم لنفحات الا فتعرضوا لها }
{ خاب وخسر من ادرك رمضان ولم يغفر له }
يا خايب يا مايل مش انت لالا ده الى بيخرج من رمضان وهو مزادش شئ فى ميزان حسناته ومتعلمش شئ
اخى فى الله اغتنم رمضان فانك لا تعلم هل ستلحق رمضان القادم ام لا
ان فى كل يوم ينادى عليك يابن ادم اغتنمنى فانى لن اعود مرة ثانيه
هيا بنا نحيا فى رمضان ونرفع شعار
رمضان بالخير اقبل يا باغى الخير اقب وياباغى الشر اقصر
وادعوا لاخيكم
=================================
وصلطح صلطح ياعم الحاج

الأحد، 20 يوليو 2008

انقذينى يا امااااه من نيران الله



بينما انا اراقبه.....
تزداد ضربات قلبى.....
كنت ألاحظ تغيره منذ فتره مضت.....

ليس هذا ابنى .....
نعم اخذنى العمل عنه قليلا ولكننى لم افرط فى تربيته.....
هل أدخل عليه الان لارى ماذا يفعل فى الغرفه المغلقه.....
لا....لا.... هذه وسوسه شيطانيه

:اعوذ بالله من الشيطان الرجيم

... لا... يجب أن أدخل.....
هذا فلذه كبدى.....
لابد وأن أدخل.....
يا ااااااااااااه.... يا له من صراع غريب داخلى.....
سأدخل وليكن مايكن.....
خطوات خطوات تجعل المشاهد لى يظن ان مولودا يحبو
امسك بمقبض الباب وكأنى على شفا جرف هار وتكاد قدماى تنزلق من عليه

..... سأدخل وليكن ما يكن.....
تهتز يدي وتمتلكنى رعشه لا أعلم سببها......
ما هذه القوه التى تمنعنى؟؟؟؟؟؟؟؟؟

يااااااااا الله ارحم قلب أم يكاد يتمزق.....
أسمع أرتطاما داخل الغرفه يجمد الدم فى العروق.....
سأدخل ..... نعم سأدخل.....

أفتح الباب{ وياليتنى لم أفتح}.....
{أنظر اليه وياليت عينى ذهب نورها من قبل أن أفتح}.
تنتكس رأسى على صدرى كالعلم يوم الهزيمه ......
{ أريد أن أصرخ ولا أستطييع ان أصرخ}......
ابنى فلذه كبدى {{{{{عاريا أمام مناظر عاريه على الكمبيوتر الذى ظننت أنه طريقه للنجاح}}}}}

(( لماذا كل هذا ؟؟؟؟ لماذا كل هذا يا فقيدى؟؟؟؟؟))
{{{{{ أتذكر هذه الواقعه بينما انا فى مصلاى بعد مرور أربعين يوما على ماحدث
تمر أمامى الاحداث وكأنها شريط سينمائى أجبر على مشاهدته دون اختيار...
أبكى أبكى أبكى فى قلبى ودموعى لا تزال تعصينى ....

لقد رأيته امس ينادينى


: ((( أنقذينى يا أماه من نيران الله )))....

( أخى فى الله اين انت من النت وما يحدث به من خلاعه
فهل نحن نستخدمه استخدام أمثل ام نحن لا نستخدمه هذا الاستخدام الصحيح

اعلم جيدا ان {{{{ النت اما لك واما عليك }}}

تذكر قول الشاعر : اذا خلوت فى الارض يوما فلا تقل خلوت

ولكن قل عليا رقيب

ولاتحسبن الله يغفل ساعة

أو ماتخفى عليه يغيب



الله ناظر الى ........ الله يراقبنى....... الله مطلع على

يقول سيدنا عمر ( حاسبوا انفسكم قبل ان تحاسبوا

وزنوا اعمالكم قبل ان توزن عليكم .


====\\\\\\\\\\\\\\\\\\\\-------------------
وصلطح صلطح ياعم الحاج
ونأسف على الاطاله

الأحد، 6 يوليو 2008

مشربتش من نيلها

حبايبى
وحشتووووووووووووووووووووووونى
انا اسف اتأخرت عليكم
بس والله مشغول جداا
انا شغال فى محل جاتوهات ومطحون فى الشغل
وكمان بجهز لانشاءبأذن الله مركز للدروس انا واخوانى ان شاء الله
وادعولى بالله عليكو ا
=================================
ومن بوست اخويا sasatifa
ننطلق
ده مقطع فيديو جميل جدا جالى من اخ لى
ياريت تتفرجوا وتكتبولى تعليقكوا
واسيبكم معاه



وصلطح صلطح ياعم الحاج

السبت، 21 يونيو 2008

استقالة حمار !!!!!!!!!!


طبعا زى ما وعدتكم بالقصيده ده
بتاعت استاذى الغالى وحبيب قلبى من الشعراء
الافاضل الشاعر حسن شتا

يوميات حمار
........................

حتى الحمار ليه موقف

حمار وجاء له مزاج يستقيل من الشغل
نهق بحرقه وقال ملعون ابو الذل
من طلعت الشمس للمغرب على ده الحال
وقلت الاكل يا عربجى جابتلى داء السل
مش ماشى
ومدد على الاسفلت فى الشارع وقال يا عربجى حتى ولا الاعدام
وان كان على شغلتك انا مستقيل منها
وان كان على لقمتك الله الغنى عنها
ون كان على البردعه ولا اللجام خدهم وادينى حريتى جاء وقت اعلان
مش ماشى
طول عمرى بجرى على مراتك وجوز عيال
لعمرى عصيتك ولا قلت انى مش شغال
بجرى عليهم وعامل حضرتك راجل
وانت اصيل فى الدناوة
ما تبطل استغلال
ايه شغلتك حضرتك ممكن تفهمنى
غير بس قولت شى حا وانك بتشتمنى
وكل خطوة تفرقع كربجين قدام
دنا لحم ياعربجى والضرب يئلمنى
مش ماشى يا عربجى
تيجى تحاسبنى واحاسبك يا ضلالى يا دون
وأقطع دراعى وأراهنك حتلاقيك مديون
جدك شرانى بنص جنيه سنة عشرين
وأبوك ورثنى وكان راجل فظيع مجنون
وأبوك هرا ضهرى بالنبوت
ومن عرق جتتى بنالكوا ست بيوت
جيت انت ورثتنى وأديك حتسيبنى لابنك بعد ما انت تموت
مش ماشى يا عربجى
انا عايز الف وأدور ونهق بحرية
لحا ولا شى
وأرمى اللجام وقطعه انا متولدتش بيه
صدقنى ياعربجى لو يوم بقيت انا عربجى وانت اتقلبت حمار
حتعيش معايا عيشه كلها بحبحه وهزار
نقسم الشغل والمعلوم بينى وبينك بالحق والمعلوم
مشوار تجر انت وانا مشوار
مش ماشى يا عربجى انا من شغلتك انا مستقيل
.......................................................................
وفكر انت بقى مين الحمار ومين العربجى
وهل هو فى اصلا دلوقتى حمير بتقول كده
ولا الحمير كلها ساكته .

................................................
وكده يبقى كله فى التمام والسلام ختام
وانتظروا الجديد والجديد مع اخوكم فى الله صلطح

وصلطح صلطح ياعم الحاج

الأحد، 8 يونيو 2008

يا خوفى يابدران


congratulation
-----------------------------
تهنئة من القلب : هو
قبل منبدأ فى البوست الجديد
وشويه وحنضرب نار فى الجو
اهنأ اخت صديقى العزيز القعقاع وهى (
زهور )
بحصولها على 173 من 175 فى الترم التانى من
الصف السادس الابتدائى
وهذا بفضل الله ثم العبد لله حقول ايه شرحت درسين وجم
فى الامتحان فالى عنده اولاد ياريت يجيبهم على طول واهى ده العينه
وانتو حرين
وكفى وندخل فى البوست بتاعنا بقى


&&&& يا خوفى يا بدران &&&&
--------------------------------------

أرتدت الحكومة المصرية زي المشايخ
ووضعت زبيبة الصلاة علي رأسها
وبدأت في الهجوم علي " مواقع النت "
والذين يستعملون " مواقع النت "
وذلك كله تحت شعار حماية الفضيلة ورفض الصور الإباحية
وحينما يظهر علي الحكومة علامات المشيخة
فضع يدك علي قلبك يا مؤمن لأن

الحديث عن الفضيلة ستار لكل مصيبة
وبالذات حينما يصدر من حكومة

بينها وبين
الفضيلة تار بايت
وعلي رأي أدهم الشرقاوي "
يا خوفي منك يا بدران "
فقد نشرت جريدة الأهرام الحكومية تحقيقاً
علي عدة صفحات يوم 21/4 تهاجم فيه
" النت " واللي جابوه لأن في " النت " ألفاظاً نابية
ومشاهد فاضحة مع إن

شعار الحكومة كان إلي وقت قريب
أن الدين لله و" الإباحة " للجميع ...
.
وأذكر أن في برلمان " 87 " قدم النائب الدكتور حسن الحسيني
إستجواباً
لوزير الثقافة عن الأفلام الإباحية التي تدخل علي أرض مصر
من خلال مهرجان
السينما وردت عليه الحكومة بعبارة واحدة
"
إن اللي مش عاجبه ما
يبصش
" .
ومنذ وقت قريب كانت مناقشة في مجلس الشعب
حول القنوات الفضائية وعالم الدش
وكان قرار السيد صفوت الشريف
أن حكومة مصر لا تستطيع أن تمنع حرية
الإعلام الفضائية
وأن الدش بيجيب ألف قناة فضائية وتقدر تشوف اللي يعجبك
فما الذي حدث إذنً وجعل الحكومة ترتدي فجأة عباءة " طالبان "
وتقلد
الشيخ "
ريحان "
وتندد بالأصنام والأزلام والأوثان
ولن يخبرك بسر
هذا التحول الديني والتمسح الأخلاقي إلا خبير مثلي
فالذي حدث أن
إضراب 6/4 كانت وسيلة انتشاره الوحيدة هي " النت "
وأن المعارضة المصرية
قد ازدادت واحداً لكنه في الحقيقة " أخطر واحد في العالم "
فلم
يعد المعارضون يحتاجون إلي المنشورات
فقد وفرت ثورة الاتصالات عليهم
الطريق والمعارضون المصريون في منتهي العناد ومصرون
علي الإعتراض علي
الحكومة حتى تفيق من غفوتها وتحترم البشر وتنحاز للفقراء
"
بحق وحقيقي " وليس "
كده وكده " .
وعلي رأي الفنان الراحل
عبد المنعم مدبولي

"
كل شئ إنكشف وبان "
فالمسألة ليست مسألة المناظر والأفلام الإباحية
ولكن المسألة هي الخوف من
الاتصالات التي تنظم الإضرابات وتقلق الحكومات .
وأعود فأقول نصيحتي إلي حكومتنا النظيفة
بأن تتواضع قليلاً وتعترف بفشلها
وتناقش الناس وتجمع العلماء في التخصصات
لكي تناقشهم في كيفية الخروج من
أزمة الغلاء
فمن غير المعقول يا ناس أن بلداً به جميع أنواع المياه
من
أول البحر المتوسط وانتهاءً بالبحر الأحمر
ومروراً بنهر النيل ثم
البحيرات ثم المزارع السمكية ومع ذلك فإن سعر السمك
في سوق العبور أغلي من سعره
في بلاد الصحراء من أول السعودية و الكويت وقطر
وعلي رأي الست دي أمي
"
يا شايف الباب وتزويقه ... صاحبه فطر والأعلي ريقه
" وبهذه المناسبة (
فيروي أن رجلاً كان يبتهل في الشارع ويقول " ربنا ينتقم من اللي خربوا بيوتنا " فأمسك به الشرطي وقاده إلي القسم .... بتهمة الدعاء علي الحكومة . فتعجب الضابط لأن المتهم لم يذكر الحكومة في الدعاء ووجه اللوم إلي الشرطي فأجابه الشرطي . " هو فيه حد خرب بيوتنا غير الحكومة يا فندم "


وعجبـــي
----------------------------------------------------

وصلطح صلطح يا عم الحاج
انتظروا قصيدةاستقالة حمار للشاعر حسن شتا

الجمعة، 6 يونيو 2008

عدنا بعد الفاصل





اية أحب اقول لكل من دعا ليا ومن لم يدعو جزاه الله خيرا وجعله
الله سبحانه وتعالى فى ميزان حسناته ان شاء الله
وانا اسف على التأخير ولكن فضتلكم
والحمد لله الامتحانات عدت كلها على خير وان شاء الله
فى تقديرات كتيرة
بس فى ماده واحدة وهى اخر ماده وهى

( الرياضيات )
ومنه لله الى كان السبب
بدون ذكر اسمه
( وبينى وبينكم هو واحد من المدونين الى تعرفوهم وصاحب مدونه جميله اسمها

ف ك ك م ن ى
وكفايه كده عليكوا فكروا انتم بقى

-----------------------------------------------
بس ايه ريكم فى الصورتين دول انا على فكره خدتهم فى اللجنه بتاعتى
من كليه التربيه جامعه الاسكندريه فرع دمنهور قسم التعليم الاساسى

قصدى السوق الى كنت بمتحن فيه ده كانت ميغا خالص
كله قاعد جنب بعضه والغش على ودنه
واوعى وشك وكانت زى ما قلت سووووووووووق

----------------------------------------------
ان شاء الله فى بوست انا محضرة
اوعى وشك
( يا خوفى يا بدران )

-=================================
وصلطح صلطح يا عم الحاج
وسلملى على ولاد ابو اسماعيل

الاثنين، 5 مايو 2008

موسم العكننه

السلام عليكم
بداية جزاكم الله خيرا على متابعتكم
ونأسف قد يطول الانتظار من حضراتكم
ولكن ليس بيدى عشان عايز ادح شويه بقى عشان موسم العكننه جه والحمد لله
بس المهم ادعولى
ونتقابل بعد الامتحانات ان شاء الله
فى نيو لوك جديد
وجزاكم الله خيرا
( اوعى تنسوا تدعولى ........)
وصلطح صلطح يا عم الحاج