الجمعة، 2 مايو 2008

لمؤاخذه دبسونى فى تاج ؟!!!

=بداية اشكر جميع اخوانى على متابعتهم المدونه

=====================

ثانيا : يعنى مش عارف اقول ايه بس منه الى الله

ادبست فى تاج اهداهولى الاخ sasatifa

جزاه الله خيرا ومضطر اخد التاج

=====================================

اولا : أذكر 10 أشياء عن نفسك

ثانيا : أختر 5 أشخاص تهدى لهم التاج
ثالثا : لاتهدى التاج لمن أهداك اياه

رابعا : أترك لصديقك الذى أهداك التاج بان التاج نزل وتعالى شوف
-----------------------------------------------

حنبدأ بالسؤال الاول

. انا اسمى احمد الشهير بصلطح واحب التدوين رغم عدم كفائتى فيه
. الحمد لله انا بتفرقع فى مواعيد كتيرة من أصحابى ( ومفيش حد يتريق )

.اتمنى ان اكون مدرس ناجح جدا فى مادتى الى احبها ماده اللغه العربيه

. اكره ما عندى ان حد يزعل منى لاى سبب من الاسباب وان كنت انا المخطأ

. احب اخوانى فى الحى بتاعى جدا وبرتاح لما اقابل حد منهم واحب افضفضله وكمان أعشق عمل الطلبه ( الثانوى ) داخل الاخوان
وان شاء الله اموت وانا بعمل فيه هى ده امنيتى .
. انا شخص اجتماعى جدا أحب اتعرف على كل الشخاص

. احب زوجتى تكون ان شاء الله ملتزمه واخت من الاخوات
. بحب البميه والبسله والبطاطس من الاخر بحب الطبيخ جدا ومبحبش حاجه اسمه عدس ولا فسيخ ( يع يع يع يع )

. انا راجل ديمقراطى أحب اسمع اراء الاخرين وفى الاخر رأى الى بيمشى

.فى النهاية حبيت اختم بيها انا متكلم جيد احب الرغى خالص حتى اصحابى زهقنين منى

عشان كده ( بس تقول لمين وراكم وراكم)

حتى فى البيت يقولولى لو طلعت محامى احسلك يا واد .
========

الحمد لله كده خلصت الى عندى

اتبقى بقى ادبس التاج فى الناس واهديهولهم ( هههههههههه)

يا ترى مين الناس الى حيدبسوا ؟؟؟؟؟؟؟؟؟؟


. حبيب قلبى النجم القادم صاحب مدونة اوعى تخاف

. الى اخويا حبيب قلبى أسامه جابر

صاحب مدونة سجين الظلم

. صاحبة مدونة أنا مسلمة
. ام اسراء الى هى صاحبة مدونة nonoymm

. موناليزاالى الاخت موناليزا

==========================

يعنى انا كان نفسى اهدى التاج لكل المدونون بس اتاج عايز 5 بس

فانا فى الخباثه كده اهديه لجميع المدونين المحترمين الافاضل

بس مفيش حد يسيحلى
===============================

وكده يبقى تمام خالص واوعى وشكوا
والى مش عايز التاج يرجعه وخلاص بس انا مش حقبله حلقحه فى rubbish .

iam so sorry

===============

وصلطح صلطح يا عم الحاج

هناك 21 تعليقًا:

موناليزا يقول...

جميل انك عارف ان مفهوم الديمقراطية انك تسمع اراء الاخرين وتنفذ رايك اهى دى الديمقراطية ولا بلاش ههههه
عموما احييك على شجاعتك وقدرتك على التحدث عن نفسك ولانى مش بنفس الشجاعة فاعذرنى لو اتأخرت فى الاجابة
ممكن تشيل تأكيد الكلمة حين ارسال التعليق

ahmed saker يقول...

السلام عليكم و رحة الله و بركاته
اخي في الله صلطح -حلوة اخي في الله صلطح دي-
ردودك حلوة و تدل فعلا ان انت رغاي اوي كمان
بس مفيش احسن من الصراحة
شكرا لك

سلفى بس إخوانى يقول...

مبروك يا عم صلطح على التاج
احاباتك كويسه قدرت افهم بيها جزء من شخصيتك بس اه لو اعرف الجزء الباقى

"النجم القادم" يقول...

حبيب قلبى انته

الف شكر ياعم على التدبيسة

بس مش فى وقتها خالص

الامتحانات خلاص يوم 24/5 منك لله

بس هجاوب عليه لانك خامس واحد يدبسنى فيه

بس انته مش اى حد

وشيل تاكيد الكلمة ده لانه خنقنىىىىىىىىىىىى

صلطح يقول...

السلام عليكم
===============
الا خت موناليزا
=================
بداية هى ده اسمها بيروقراطيه مش ديمقراطيه بس حنقول ايه

بس انا عايزك تتشجعى هى الدنيا ايه غير شويه شجاعه وحجات فوق بعضيها كده يعنى
-------------------------
وشكرا على اهتمامك
وصلطح صلطح يا عم الحاج

صلطح يقول...

السلام عليكم
==========
الاخ ahmed saker
================
عجباك اوى اخى فى الله صلطح

انا رغاى يا بن ...........
بس جزاك الله خيرا وان شاء الله
حفضل ارغى لاغية ما موت

------------------------
وشكرا على اهتمامك
وصلطح صلطح يا عم الحاج

صلطح يقول...

السلام عليكم
============
الاخ سلفى بس اخوان
--------------------
ايه عايز تعرف ايه تانى عن شخصيتى
عندك عروسه ولا ايه

------------------
شكرا على اهتمامك
وصلطح صلطح يا عم الحاج

صلطح يقول...

السلام عليكم
===============
حبيبى النجم القادم
-----------------------
لا زم ادبسك اما كنش انت حيبقى مين
وهو اصلا انت بتذاكر يا ريس ده انا الى هارشك وحتاخد التاج غصب عنك

---------------------
وصلطح صلطح يا عم الحاج

عاشــــــ النقاب ـقــــة"نونو" يقول...

ديمقراطي بشدة وعنف ايه دة يا خبر ابيض على الديمقراطية يا ناس
الفسيخ يع يع ليه كدة بئا طويب عموما الخلاف في الرأي لا يفسد للفسيخ قضية
حضرتك شخصية جديرة بالاحترام فعلا بارك الله فيك
التاج دة جالي ما تقلق ولاحقا ساجاوبه
تحياتي وجزيت الخير على التدبيسة قصدي التاج

Amr Abodraiaa يقول...

السلام عليكم ورحمة الله وبركاتة
أولا :- إني أحبك في الله .
رغم اننا لسة عارف بموضوع الفسيخ دة
ثانيا :- ربنا يخليلك لسانك ورغيك دة يا عم صلطح وعلفكرة احنا مش مخنقوين ولا حاجة
ثالثا :- ربنا يخليلك الطلبة كلهم ويخليك ليهم وعبال متبقي الصياد كدة ان شاء الله
رابعا :- حلوة الشجاعة اللي بتتكلم بيها عن نفسك وربنا يخليهالك كدة علي طول
وكنت ناوي اكمل بس اعذرني علشان المذاكرة انت عارف

ابراهيم بكر يقول...

2008
الحملة العربيه لرفع بناطيل الشباب

صلطح يقول...

السلام عليكم
=---------------
الاخت nonoymm
====================
طبعا هى ده البيروقراطيه قصدى الديمقراطيه بس حنقول ايه
اما مسأله الفسيخ يعنى ايه الخلاف لا يفسد للود قضيه اوعى تكون بتحبيه ( يع يع يع يع يع )

--------------------------------
وجزاك الله خيرا على مرورك الكريم ونرجو تكرار الزيارة
=============
وصلطح صلطح يا عم الحاج

صلطح يقول...

السلام عليكم
--------------
الاخ عمرو ( حبيبى )
اولا أحببك الذى احببتنى فيه
ثانيا : انا قايلك على الفسيخ ومتهجسش قايلك لما خرجنا يوم الاتنسن مع بعض
---------
ثالثا : مذاكرة ( مذاكرة ايه ياض ده احننا دفنينه سوا
-------------

اخيرا عندى لك مفاجأه
بفكر انزل بوست اسمه ( تجربه عمرو والاشبال ) بس لسه بجمع فيه

\\\\\\\\\\\\\\\\\\\\\\\\\\\\\
وصلطح صلطح يا عم الحاج

أنا مسلمة يقول...

جزاكم الله خيرا أخونا صلطح على التاج

وأنا كمات التاج جالى
ولكن إعتذرت عنه وأعتذر أيضا لحضرتك عنه لانى لأود أن اكتب عن نفسى فى المدونة

وجزاكم الله خيرا

ابراهيم بكر يقول...

إني أحبك في الله

Unknown يقول...

لالالالالالالالالالالالالا
أنا زعلان منك مش ياراجل تحطني معاك في الليلة
ما لحوقه

Unknown يقول...

الله يسامحك
يا ابنى مش من شروط التاج انك تقول لصاحبك اللى اهداك التاج انه نزل عشان اجى واشوفه ولا انا هعرف الغيب على العموم انا دخلت صدفه وبعدين لازم تقول للناس اللى انت اهديتلهم التاج انك اهديتهلهم استنى بقى هطلع اقرا التاج واجى

صلطح يقول...

السلام عليكم
-------------
اختى العزيزه موناليزا
-----------------------
جزاكى الله خيرا على حضورك لا ستلام التاج برغم رفضك على الاجابه على هذه الاسئله
رغم انا انا شايف ان مفيهاش شئ
بس جزاكى الله خيرا
----------------------
وصلطح صلطح يا عم الحاج

صلطح يقول...

السلام عليكم
------------
اخويا hinger
----------------
احببك الذى احببتنى فى او من اجله
ونرجوا ان نتعارف
----------------
وصلطح صلطح يا عم الحاج

صلطح يقول...

السلام عليكم
--
اخويا مالك مصطفى ( مظلومين
----------------------------
ليله ايه يا ريس بعد الى انت كتبته فى المدونة ده ب
بس التاج عايزينه يتهدى ل5 بس
بس ان شاء الله انا جالى تاج تانى ان شاء الله حهدهولك بس بعد ما اخلص امتحانات
------------------------
وصلطح صلطح يا عم الحاج

صلطح يقول...

السلام عليكم
---------------
اخويا sasatifa
------------------
من اولها بتقول لا لا فى وشى ماشى يا عم الحاج
سيبك من كل ده ذاكر وبعد امتحاناتك نتكلم يا ريس
------------------------
وصلطح صلطح يا عم الحاج